Sull sẽn get wen-vɩʋʋgã koglg Burkĩna Faso ka, tɩ b boond tɩ Muvema ekolozik di Burkĩna wã kõo sor tɩ tɩɩsã daar b sẽn boond tɩ SIYA wã vuk a 7 soabã na n paka a kʋɩlense. SIYA wã yaa tʋʋm-kaseng sẽn sõngd ne weoogã koglgo.
Tɩɩg yaa vʋɩɩm, pãnga, la sõmblem makre. A yaa Sayɛll soolmã kʋdemd la a zamaanã yãgre.
Tɩɩg yaa rog-n-miki, kʋdemde, la tẽeb buud toor-toore yãgre. A yaa yel-soalem bũmbu. Wakatã toeengo, weoogã kʋɩɩse, la nin-buiidã fɩɩgre yaa bũmb sẽn lebsd weoogã poorẽ. Zu-loe-kãens fãa yĩng kɩtame tɩ Sayɛll soolmã kom-bɩɩb segd n kẽes b toogo, n koglg weoogã, t’a yaa arzɛk b yaab rãmb sẽn bas ne-ba.
Yaa rẽ n kɩt tɩ muvema ekolozik di Burkĩna wã yãk sẽoog kiuug rasem 16 n ta a rasem 19 yʋʋm 2025 n na n maan tɩɩsã ra-kaseng b sẽn boond tɩ SIYA naoor a yopoe soabã Waogdg ka. Tʋʋm-kãng lebga seg-taab-kaseng b sẽn maand wakat fãa n get weoogã, la b tʋmd tʋʋm buud fãa sẽn kẽed ne tɩɩsã koglgo. Gom-zut b sẽn yãk rõandã yʋʋmdã yaa: « Tɩɩg la kʋdemde : Sayɛll soolmã kom-bɩɩb na kẽes b toog n koglg tɩɩg ziir rog-n-mik wɛɛngẽ, wakatã teoongã pʋgẽ »
Gom-zug-kasengã yaa: kom-bɩɩbã kẽes b toogo
SIYA yʋʋm 2025 soabã, vẽenegda Sayɛll soolmã kom-bɩɩb sẽn segd n kẽes b toog toto n koglg tɩɩsã, la kʋdemdã. B boonda kom-bɩɩbã tɩ b sak n kẽes b mens ween-vɩʋʋgã koglg pʋgẽ. SIYA wã na n sõngdamẽ tɩ b paam bãngr buud toor-toor nẽ tɩɩg ziir kʋdemdã pʋgẽ.
B tʋlsem ya b na tõog tɩ b raab-kasensã paam pidsgu
SIYA Yʋʋm 2025 soabã, tʋlsem yaa a sõng tɩ weoogã yalg n paase, tɩ koobã zĩis paase. Sẽn na yɩl tɩ rẽ yɩ vẽenega, b na n maana tʋʋma woto :
- Sel tɩɩs sẽn na yɩl n paam we-kãngre, tɩ rẽ na n sõngame tɩ Sayɛll soolmã lebg tẽn-kẽega. B na n zaba ne tɩɩsã kɛɛbo…
- Sõng tɩ b bãng tɩɩg yõod rog-n-mik pʋgẽ, la bãngrã a taab pʋgẽ.
- Rɩk sagls buud toor-toor n taas kom-bɩɩbã tɩ b bãng wen-vɩʋʋgã la bũmb nins fãa sẽn be a pʋgẽ wã koglg wɛɛngẽ.
- Rɩk na-kẽnda sẽn na yɩl tɩ zĩi-koodsã tõog n yɩ sõma, la b bao soay la rabay n zab ne wakatã teoongo.
- Sõng-b bãngrã baoob pʋgẽ, tɩ b tõog n bãng bũmb nins sẽn toeemd wen-vɩʋʋgã pʋgẽ..
- Bao pak-n-taas la neb sẽn na n sõngd-b tɩ b sigind b tʋʋma.
- Zĩnig sull sẽn na n tikd neb tɩ b kẽesd b toog wen-vɩʋʋgã koglg pʋgẽ.
- Kɩt tɩ politikã rãmb kẽes b toogo, sẽn tũud ne kosg buud toor-toore, b sẽn na n maan n sõng-ba, tɩ b paam n sõng taab ne wen-vɩʋʋgã koglgo.
B na n tʋma tʋʋm buud toor-toore
SIYA Yʋʋm 2025 soabã, b na n tʋma tʋʋm wʋsgo. B na n maana sõasg buud toor-toore, Atelye rãmba, teed wilgri, filim dãmba, la zĩis sẽn tõe n zĩnd n pʋɩ taab yam. Neb nins sẽn na n zĩnd tigsgã pʋgẽ wã tʋʋm na n yɩɩ:
- N pʋɩ taab yam dãmb la bãng-minim buud toor-toore, weoogã zãab wɛɛngẽ
- B na n paama bãng-paal sẽn kẽed wen-vɩʋʋgã koglg pʋgẽ..
- B na n sega bãng-mitb la neb sẽn tʋmd tẽn-gãongã tʋʋm n sõs ne-ba, n paam yaam n paase.
- B na n paam n naag n tʋma tʋʋm b sẽn sigli, tɩɩs selb la tʋʋma, n paas tʋʋm a taab pʋgẽ.
- B na n leb n pʋɩɩ taab bãngr kʋdemd wɛɛngẽ.
Tigs-kasengã pʋgẽ b na n goma tɩɩsã la weoogã beoog neer goama.
SIYA Yʋʋm 2025 soabã, tigsg lagemda neb nins fãa sẽn tagsd weoogã la zamaanã sẽn na n wa yɩ a soab beoogo, sẽn na yɩl tɩ b paam yam paal la yel-tɩɩm. SIYA wã na n yɩɩ sabaab tɩ b naag taab n me Sayɛll tẽnsã tɩ b tõog n yɩ tẽns sẽn ya tɩɩs la we-kãg tẽns wakat sẽn wat pʋgẽ.
D kõta taab sɛk sẽoog kiuug rasem 16 n tãag a rasem 19 yʋʋm 2025 Waogdg kaane.
«Tɩɩg koglgo, yaa beoog nẽẽr raabo »
Sull ning sẽn get SIYA yʋʋm 2025 soabã siglg yelle.
Tél: 0022625652015/60060606
